Odisha mein June mein hua bhayanak rail haadsa ke baad, railway ka Kavach system fir se headlines mein hai. Kavach ek automatic train protection system hai jo Indian Railways ke Research Designs and Standards Organisation (RDSO) ne banaya hai. Is par 2012 se kaam shuru hua tha aur last year...
more...

is technology ka successful test bhi kiya gaya tha. Lekin ye technology abhi kuchh hi routes par available hai. Ek railway performance report ke mutabik, is financial year mein ab tak Kavach ka kaam ek inch bhi nahin badha hai. Yaani April se October tak kisi bhi new rail line ko is safety system se cover nahin kiya gaya hai. Businessline ke mutabik, is report mein kaha gaya hai ki 31 October tak Kavach ke commissioning ka kaam nil hai, jabki 637 km rail line ko isse cover karne ka target tha. Pichle financial year mein is duration mein sirf 10 km rail line ko is system se laas kiya gaya tha. Philahal Kavach technology desh ke kuchh railway routes par hi available hai. 31 December 2022 tak railway network ke sirf 1,455 kilometer route ko cover kiya gaya tha. Isi raftaar se kaam chalta raha to pure network ko Kavach ke daayre mein laane mein kai saal lag jaayenge.