Agra Cantt railway station ke paas toilets banwaye jaayenge. Safai, road marammat, aur sundaryikaran bhi hoga. Isse railway station pe aane wale tourists ki saamne city ki image kharab na ho. Ye direction DM ne diye hain. DM ne Agra Cantt station praangan, parking ke aas paas saaf safai, road marammat,...
more...

footpath sundaryikaran, naalinirmaan, jal nikaasi, road pe dukaan walon dwara atikraman, aadi ka nirdeshan kiya. DM Bhanuchandra Goswami ko local pardshad Rakesh Kannaujia ne jaankari di ki Agra Cantt railway station ke bahar ek bhi toilet nahi hai. Dusre shaharon se aane wale tourists, yaatriyon ko kaafi pareshani hoti hai. Yahi nahi, Cantt station ke baad bani dukaanon ke dukaan waale bhi toilet na hone ki wajah se pareshan rehte hain. Yahi wajah hai ki ve sadak kinare hi toilet karte hain, jisse badbu aur gandagi rehti hai. Sabse zyada pareshani mahilaon ko hoti hai. DM ne sambandhit adhikariyon se toilet na hone ki wajah poochi to pata chala ki railway toilet banwane ke liye zameen nahi deta hai. Is par DM ne naaraajgi jahir ki. Railway adhikariyon se bhi baat ki.