South Eastern Railway ke Commissioner of Railway Safety (CRS) Brajesh Kumar Mishra aur Kharagpur Division ke Divisional Railway Manager K.R. Choudhary ne Somvaar ko Ghatsila se Rakha Mines tak third railway line ka nireekshan kiya. Unke saath railway ke saare vibhago ke adhikari trolley ke zariye third line ke har ek...
more...

baaraki ko dekha. Bataaya ja raha hai ki Mangalvaar ko dopahar baad third line ka nireekshan pura ho jaayega. Uske baad train ka speed trial hoga. Ye trial Salgajhudi se Ghatsila station tak hoga. Jis ke baad train ka parichalan isme shuru ho jaayega. CRS Somvaar ki subah Ghatsila railway station pahunche. Yahaan par lagbhag 45 minute tak nireekshan karne ke baad 14 trolley, jis par saare vibhag ke adhikari aur karmachari maujood the, ko lekar Ghatsila se rawana hue. Is dauraan kai sthanon par ruk ruk kar suraksha ko lekar jaankari liya, aur naksha ke mutabik kaam hua hai ki nahin isko bhi dekha. Ghatsila se Galudih tak nireekshan karne mein CRS ke lagbhag chhe ghante ka samay laga. Bataaya jaata hai ki Somvaar ko Ghatsila se Asanbani tak nireekshan hona tha, lekin nireekshan mein kaafi der hone ke karan Rakha Mines tak hi nireekshan hoga. Baaki ka nireekshan Mangalvaar ko hoga. Nireekshan ke kram mein rail patriyon ke har ek suraksha par baaraki se nazar rakhi gayi. Jahan bhi CRS sandeh ho raha tha, vahaan par sambandhit adhikari se gambhirta se jaankari le rahe hain. CRS ne Ghatsila station par suraksha ko lekar kai baarikion ko dekha aur sambandhit adhikari ko disha nirdesh diya.