Mono Rail SuperHitzzzzzzzzz........
चांगल्या प्रवासाचे स्वप्न पूर्णत्वास आणणाऱ्या 'मोनो' सेवेवर प्रवाशांची तुडुंब गर्दी झाल्याचे दिसून आले आहे. गेल्या आठवड्याभरात चेंबूर ते वडाळा टर्मिनसपर्यंतच्या मार्गावरून १ लाख ३६ हजार प्रवाशांनी प्रवास केला. तर, त्यातून 'मोनो'ला १४ लाख रुपयांहून अधिक महसूल मिळाला आहे.
लोकल, बसच्या तुलनेत आरामदायी आणि स्वस्त प्रवासाचे साधन असणाऱ्या 'मोनो'स उत्तम प्रतिसाद मिळत आहे. २ फेब्रुवारीपासून सेवेत आलेल्या ही सेवा ८ फेब्रुवारीपर्यंत प्रचंड गर्दीचे ठिकाण ठरले आहे. पहिल्या दिवशी प्रचंड गर्दी उसळली होती. त्यामुळे दुपारी दोन वाजता बंद करण्यात येणारी सेवा उशीरापर्यंत चालवणे भाग पडले. त्यानंतर गर्दीचा ओघ कमी होईल, असा...
more... अंदाज करण्यात येत होता. प्रत्यक्षात आठवडा उलटून गेल्यावरही त्याचे आकर्षक कायम राहिल्याचे स्पष्ट झाले आहे.
वाहतूककोंडीची समस्या संपुष्टात आणणाऱ्या या सेवेवर दैनंदिन प्रवाशांची संख्या वाढत जाण्याचा अंदाज व्यक्त केला जात आहे. त्यामुळे सार्वजनिक वाहतुकीवरील ताण कमी होऊ शकेल. प्रवाशांच्या सुविधेसाठी बेस्टकडून 'मोनो'च्या वेळापत्रकानुसार बसेस सोडण्यात येणार आहे. त्याचा फायदा वडाळा टीटीवरून जीटीबी स्टेशनवर जाणाऱ्यांना होईल.
*५१२ फेऱ्या *१ लाख ३६ हजार प्रवासी *१४०० स्मार्ट कार्डांची विक्री *१,३२,५२३ टोकनविक्री इतकी