UP mein fog se haalat kharab hai. Ghaney fog ki wajah se traffic puri tarah se affected hai. Kahin gaadiyaan tham gayi hain, toh kahin trains der se chal rahi hain. Fog ki wajah se trains ki late-latifi kam nahin hone se, yatriyon ke sabar ka baandh tootne...
more...

laga hai. Aaj Varanasi mein New Vande Bharat train nirrast rahegi. Logon ko pareshani ka saamna karna pad raha hai. Friday ko bhi late-latifi barqarar rahi, jiske wajah se yatriyon ne Internet media platform pe apna gussa jahir kiya. New Vande Bharat Express mein apni pehli yatra ko lekar, ek yatri ne 10 ghante ki delay wali train mein apna experience share kiya. Yeh train apne schedule time se 9.12 baje next day Cantt station par pahunchi. Saaf-safai aur maintenance kaam karne ke baad, 8 ghante ki delay se dopahar 2.30 baje Delhi chale gayi. Iske alawa, dhuand ke wajah se, purani Delhi-Varanasi Vande Bharat Express 4 ghante ki delay se Cantt station par pahunchi. Is train ko sham 7 baje ke baad Delhi bheja gaya. Trains ki late-latifi se yatriyon ko double trouble ka saamna karna pada. Fog ki wajah se, Varanasi se Delhi jaane wali 22416 New Vande Bharat Express 13 January ko nahi jaayegi. Is wajah se, 22415 New Vande Bharat Express Delhi se bhi nahi chalegi. Der shaam, Uttar Railway administration ne yeh jaankari jaari ki.